هنا النكت مستغانمية تموت من الضحك

السلام عليكم جبتلكم اليوم نكت يقتلوك بضحك

1. واحد يسكن في القرية دا
الباك وباه يروح للجامعة خاف يضحكو عليه قالتلو أمو روح برك النهار اللول يضحكو
عليك والنهار الثاني يضحكو عليك والنهار الثالث توالف وتروحلك العقدة قالها: مالا
حتى النهار الثالث ونروح

2. كان واحد ماشي في سيارتو ومعاه
زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك
الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت
مانعرفش للسيارات...وقالتلو: يا راجل شوف بلاك نسيت البارمي

3. واحد دخل للقهوة وقال للقهواجي:
عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا,
وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو
قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

4. مرة واحد يقلق مية في الساعة,
دّا قماش عند الخياط وقالوا: اسمع حاب ندير قندورة تكون مليحة يعني يكون الكول
مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك
ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة
عندك ادّيرها محصورة انا ما نلبسش حاجة محصورة ولوكان درتها محصورة والله
مانسلكك...هات لقماش هنا مانزيدش نجي عندك خلاص.

5 . في ليلة كان ربعة من ليجون
يتمحششوا {{{يزطلوا ]}}}ورا باطيمة{{{عمارة}}}وبعد مدة خلصلهم الكبريت,
فبعتوا واحد منهم يطلب, مالا راح دار على لباطيما ولاّ
ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...

6 . وهادا واحد يبيع القهوة بثلاث
دنانير, وكل يوم يجيه واحد ويحطلو دينار في شرق الحانوت ودينار في غرب الحانوت
ودينار في الوسط ويقولو: اعطيني قهوة. وفي نهار جاب هذا الشخص قطعة
تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار
فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا
الصرف. وفجأة جبد الزبون دينار وحطو في النص وقالو زيدني قهوة

7. هدا واحد يهجّي الهدرة بزاف في
كل مرة يروح للقهوة
ويقول للقهواجي: أعطيني ققققققـ.... ومايجي يقول قهوة يغلق مول المحل
ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو,
وفعلا بدا في الليل يقول: ققققققققـ... وفي الصباح مع وصل للقهوة قال: قهوة
أعطيني, دار ليه القهواجي وقالو: انعم خويا؟؟

8. استدعي الرئيس عبد العزيز
بوتفليقة جماعة ن شبان معسكر و قال لهم تقدموا تراكم متخلفين بزاف فحملوا الشبان
كراسيهم و تقدموانحوه

9. واحد قروي شاف امو حامل قالها
هدا شكون قالت خوك قالها وعلاش كليتي

10 . واحد عندو دراجة .كان في الطريق
يرفع العجلة فاستوقفه شرطي واعطاه بروسي و كتب فيه محاولة طيران

11. مشحاح طاحت دراهمه من التاقة.
كي نزل ما لقاهاش. ليش؟؟؟؟ لأنه وصل قبلها.

12 . وحد مستك راح لحنوت و حب يشري
حليب. قال للبياع "أعطيني عصير بقر يا خو"

13 . وحد المعلم سقسا وحد التلميذ

قالو
أعطيني شيء يتمدد بالحرارة ويتقلص بالبرودة

التلميذ
قالو: العطلة يا أستاذ. في الشتاء 15 يوم وفي الصيف 3 أشهر

14. واحد كان يتفرج في وحد الفيلم
تع الماريكان

كي
خلاص الفيلم بدات تطلع الكتيبة

جازت وحد الكتيبة فاتو قبل ما يقراها

طلع
عند جارو الي يسكن فوقو وقاعد يسنى فيها توصل

15. واحد طلع في الكار وكان لا بس
سباط تع 3000 الف

وحد
العجوزة عفست عليه

قاللها
الحاجة نحي رجليك راكي معفسة على 3000 الف

قاتلو:
وين راهم. طاحولي ليا

شكراااااااااااااااااا أتمنى أن تعجبكم

هنا النكت مستغانمية تموت من الضحك 54645sd

يا عطيك الصحة يا خو Des blague شابين

سيرتو الصور ميرسي عليك خو

هنا النكت مستغانمية تموت من الضحك 437wonderfullf

جزاك الله خير

HAAAAAAAAAAAAHHHHHHHHHHHHAHHHAHHHHHH KTALTNI BEDAHK

هادا واحد مصري قال : أشرب السgاير (السجائر) و نربح الجزاير أيا صايفي رد عليه : ندير الشمة و نربحوكم تمة
Smile

السلام عليكم مشكووووووور أخي ياسين على النكت الجميلة

هكا نقصو شوي ضغط نفس هنايا في المنتدى شكرا

عودة موفقة يا أمال وين راكي خلينا نشوفوك المنتدى توحشك وتوحش مواضيعك

قلمك كل شئ صدر منكي من قبل شكرا

راني غير هنا ، من بعد إن شاء الله تشوفو مواضيع جدد من عندي

الحمد الله كي راكي لاباس إنشاء الله المهم أنك بخير هاذا هو المهم

عضو جديد تاريخ التسجيل : 30/07/2012 العمر : 33

هههههههههههههههههههههه